JINSI YA KUFUNGUA AKAUNTI FOREVERFREE POS & CRM - SOMO LA KWANZA

Huu ni mfululizo wa masomo yahusuo mfumo wetu wa bure wa usimamizi wa fedha na wateja kwenye biashara za rejareja, FOREVER FREE POS & CRM, mfumo ambao ni mkombozi kwa wafanyabiashara na wajasiriamali wadogo wasiofikia viwango vya kulipia mifumo mikubwa. Mfumo huu una vipengele (features) zote muhimu zinazokidhi biashara ndogo na za kati

Katika somo letu la kwanza kabisa tutakwenda kuona jinsi ya kuanza kuutumia mfumo huu, mtu yeyote awe ana biashara tayari au bado anapanga tu kuja kuwa nayo hapo baadae anaweza akaanza kuweka mfumo huu katika simu ama kompyuta yake kwa lengo la kuufanyia mazoezi kabla hajaanza rasmi kuutumia

Ikiwa kama unayo biashara tayari, ni vizuri ukaanza moja kwa moja kuutumia bila kusita ukiweka bidhaa kwani hata ukikosea utafanya marekebisho taratibu kadiri muda unavyokwenda na kwa kuwa utakuwepo darasani na mwalimu huna haja ya kuwa na wasiwasi kwani utauliza chochote na kupewa majibu

Ikiwa unapenda kuanza kuufanyia majaribio mfumo bado huna biashara, napo ni rahisi tu kwani nitakuonyesha kuunda bidhaa za bandia pamoja na jinsi ya kuziuza huku ukiona namna ripoti zinavyokuwa na stoku ya bidhaa hizo inavyopungua dukani kama tu inavyokuwa kwenye duka la ukweli

Kutumia mfumo wowote ule hakuna tofauti na kuendesha gari, ukishafahamu kuendesha gari mfano aina ya Toyota, moja kwa moja gari nyinginezo hata iwe Ford sijui Mercedez benz hazitakupiga chenga kwani tayari umeshazijua ABC za udereva

Na hii mifumo ndiyo hivyohivyo ilivyo, ukishafahamu kutumia mfumo mmoja hata ukija hapo baadae kubadilisha mfumo ukatumia mwingine haitakupa shida, hivyo mafunzo haya ya bure na mfumo wa bure ni vya thamani kubwa mno kwa mjasiriamali mwenye ndoto ya kufika mbali kwenye ulimwengu wa kufanya biashara inayojiendesha yenyewe hata ikiwa haupo pale muda wote

JINSI YA KUFUNGUA AKAUNTI YA MAJARIBIO YA FOREVERFREE POS & CRM

Forever free POS & CRM inaruhusu mtu yeyote kufungua akaunti ya majaribio, na hii ndiyo njia bora zaidi ya kujifunza jinsi mfumo unavyofanya kazi kabla ya kuanza biashara

Hapa kuna mambo unayoweza kufanya kwenye akaunti hiyo ya majaribio:

Unachoweza kufanya kwa majaribio

         (1)          Kuweka bidhaa za bandia: Unaweza kuongeza jina la bidhaa, bei na kiasi cha stoku mfano "Shati la Majaribio" - shilingi 10,000/=

         (2)          Kufanya mauzo ya bandia/mfano: Unaweza kubofya bidhaa, kupokea malipo ya bandia taslimu "Cash", na kuona jinsi mzigo (stoku) unavyopungua

         (3)          Kuangalia ripoti: Unaweza kuingia kwenye tovuti (Back Office) kuona grafu na ripoti za mauzo uliyoyafanya kwa majaribio, kumbuka kuna vitu viwili, APP na TOVUTI, na ukitaka kuingia kokote ni lazima ujisajili kwa email na nenosiri lako

Jinsi ya kuanza

Pakua app ya kwenye simu au tablet yako

Bofya neno Sign Up na ujaze barua pepe (email) na neno la siri (password)

Chagua aina yeyote ile ya biashara, yaweza kuwa ni; Biashara ya duka la rejareja, mkahawa, mama lishe, grocery, kioski, genge, duka la dawa baridi, biashara ya kuuza nguo za mitumba, dula la nafaka, bucha la nyama, saluni nk. ili uanze

Baada ya kumaliza kujifunza, unaweza kufuta bidhaa hizo na kuweka bidhaa halisi utakapoanzisha duka lako halisi

.........................................................

 

SOMO HILI KAMILI NA KWA VITENDO LINAPATIKANA KWENYE GROUP LA TANZANIA RETAILERS PREMIUM GROUP (TRPG)

Mwanachama ni mtu yeyote mwenye nakala ya kitabu cha MAFANIKIO YA BIASHARA YA DUKA LA REJAREJA NEW TECH EDITION 2027

Kupata nakala yako tuma ujumbe whatsapp usemao “NATAKA KITABU NA DARASA” kwa namba 0761002125

Au bofya hapa kupata kitabu na darasa sasa hivi

Ndani ya group pia kuna;

               (1)     Machimbo yote ya bidhaa za bei rahisi Kariakoo na nchi nzima

               (2)     Ubunifu wa biashara kwa wajasiriamali wa maudhui mtandaoni (Content creators) - watajifunza jinsi ya kuanza biashara mtandaoni bila kutumia vifaa vya gharama kubwa

               (3)     Aidha washiriki wanaweza kuuliza swali lolote kuhusu mada na mifumo yote iliyopo kitabuni, ile ya kianalojia (madaftari) na ile ya kidijitali (POS, Accounting Software, ERP, CRM nk.)

SOMA NA HIZI PIA;

                 1.       Chuma ulete anavyowatesa wenye maduka na wafanyakazi wao dar

                 2.       Biashara 7 nzuri za kufanya zitakazokuingizia pesa hata kama umelala

                 3.       Siri ya kupata mtaji wa biashara kirahisi kwa mjasiriamali mdogo asiye na dhamana mjini na kijijini

                 4.       Njia mpya za kufanya mambo: dunia, biashara, ajira vinabadilika kwa kasi ya ajabu

                 5.       Mawazo ya biashara zitakazovuma miaka ijayo 2018 na kuendelea mpaka 2030

                 6.       Mfumo mpya wa bure wa kusimamia biashara ya duka la rejareja (forever free pos & crm)

                 7.       Duka linalojiuza lenyewe bila mhudumu/muuzaji

                 8.       Eti ni kweli biashara ya genge la matunda na mbogamboga ina faida nusu kwa nusu?

                 9.       Duka la rejareja ukitumia silaha (nyenzo) hizi 2 umetoboa kwa urahisi sana

               10.     Biashara ya vinywaji jumla, mtaji milioni moja (1) naomba ushauri

 

 

Tweet