VIFAA VYA BEI RAHISI KAMA VILE STENDI YA SIMU, POWERBANK, DROO YA FEDHA NA ROUTER YA WIFI UNAVYOWEZA KUWEKA DUKANI ILI MHUDUMU AFANYE KAZI KWA URAHISI BILA VISINGIZIO - SOMO LA 19 | Jifunzeujasiriamali

VIFAA VYA BEI RAHISI KAMA VILE STENDI YA SIMU, POWERBANK, DROO YA FEDHA NA ROUTER YA WIFI UNAVYOWEZA KUWEKA DUKANI ILI MHUDUMU AFANYE KAZI KWA URAHISI BILA VISINGIZIO - SOMO LA 19

Mkufunzi Peter Tarimo akifundisha vifaa mbalimbali vya bei rahisi kwenye mfumo wa Forever Free POS & CRM

SOMO LA KUMI NA TISA

Ili mfanyakazi wako afanye kazi kwa ufanisi na kuzuia visingizio kama "simu iliisha chaji" au "sikuiona skrini vizuri", hapa kuna vifaa vya bei rahisi na vya lazima unavyoweza kuweka duka la rejareja:

1. Stendi ya Simu/Tablet ya Mezani

Kazi yake:

Huu ni msaada mkubwa wa kumfanya mhudumu asishike simu mkononi saa zote jambo linaloweza kumfanya adondoshe simu au kuchoka. Simu inakaa salama juu ya kaunta kama skrini ya kompyuta ya duka kubwa

Faida ya ulinzi:

Wateja wanakuwa wanaona skrini wakati bidhaa zao zikibonyezwa, hivyo mfanyakazi hawezi kufanya ujanja wa kufuta bidhaa kirahisi

Gharama:

Ni kati ya shilingi 5,000/= hadi shilingi 15,000/= (Inapatikana maduka mengi ya vifaa vya simu)

2. Power Benki au Waya mrefu wa chaji

Kazi yake:

Hii inahakikisha simu ya kazi inakuwa na umeme kwa asilimia 100% kuanzia duka linapofunguliwa asubuhi mpaka linafungwa jioni

Faida ya ulinzi:

Inafuta kabisa kisingizio cha "bosi simu ilizimika chaji ndio maana sikuingiza mauzo ya jioni kwenye Mfumo

Gharama:

Kuanzia shilingi 25,000/= hadi shilingi 40,000/= kwa Power Benki nzuri ya ujazo wa 10,000mAh au 20,000mAh

3. Droo ya Pesa ya Mbao au Chuma (Cash Drawer/Box)

Kazi yake:

Sehemu maalumu ya kupanga noti kulingana na thamani zake (mfano, sehemu ya elfu tano, elfu kumi, n.k.)

Faida ya ulinzi:

Inasaidia wakati wa kufanya Miamala ya pesa (Pay In / Pay Out) na wakati wa kuhesabu pesa jioni (Kufunga Zamu) kwa sababu fedha hazitakuwa zimechanganyikana au kutupwa ovyo chini ya kaunta

Gharama:

Unaweza kumtuma fundi seremala akutengenezee droo rahisi ya mbao yenye sehemu tofauti za kuweka pesa kwa chini ya shilingi 20,000/=

4. Router ndogo ya Wi-Fi au laini maalumu ya Intaneti

Kazi yake:

Kutoa intaneti ya uhakika dukani, ni kwa ajili ya simu inayotumia mfumo wa Forever Free POS

Faida ya ulinzi:

Ingawa mfumo wa Forever Free POS unaweza kufanya kazi hata bila ya intaneti (offline), uwepo wa intaneti ya uhakika unakusaidia wewe kama mmiliki kupokea taarifa za mauzo kwenye kivinjari cha simu yako kwa sekunde ile ile mauzo yanapofanyika, hata ukiwa mbali

Gharama:

Ni kuanzia shilingi 35,000/= hadi shilingi 50,000/= kununua kifaa cha MiFi (cha kubebeka), au unaweza kuweka laini ya kawaida kwenye simu na kuiunganisha kifurushi cha mwezi cha sh. 10,000/= hadi 15,000/=

Kwa kuanzia, ukiwa na Stendi ya simu na Waya mrefu wa chaji unaochomekwa ukutani, duka lako litakuwa limekamilika na mfumo utafanya kazi vizuri sana bila kuathiri mzunguko wako wa mtaji


 

KURUDI SOMO LA 18 BOFYA HAPA

KWENDA SOMO LA 20 BOFYA HAPA

 

..................................................

 

SOMO HILI KAMILI NA KWA VITENDO LINAPATIKANA KWENYE GROUP LA TANZANIA RETAILERS PREMIUM GROUP (TRPG)

Mwanachama ni mtu yeyote mwenye nakala ya kitabu cha MAFANIKIO YA BIASHARA YA DUKA LA REJAREJA NEW TECH EDITION 2027

Kupata nakala yako tuma ujumbe whatsapp usemao “NATAKA KITABU NA COURSE” kwa namba 0761002125 kisha nitakutumia link na coupon ya kupata kitabu chako

Au bofya hapa kupata kitabu na course sasa hivi

Ndani ya group pia kuna;

               (1)     Machimbo yote ya bidhaa za bei rahisi Kariakoo na nchi nzima

               (2)     Ubunifu wa biashara kwa wajasiriamali wadogo wa rejareja wa maudhui mtandaoni (Content creators) - watajifunza jinsi ya kuanza biashara mtandaoni bila kutumia vifaa vya gharama kubwa

               (3)     Aidha washiriki wanaweza kuuliza swali lolote kuhusu mada na mifumo yote iliyopo kitabuni, ile ya kianalojia (madaftari) na ile ya kidijitali (POS, Accounting Software, ERP, CRM nk.)

               (4)     Course ya VIP kwenye group hili inatoa mafunzo ya kina ya mfumo huu wa FOREVER FREE POS & CRM kwa mtu anayeanzia sifuri kabisa. Ina sehemu kuu 8 na mwisho kuna mtihani na cheti cha kuhitimu masomo haya


 

RUDI SOMO LA 18 HAPA

NENDA SOMO LA 20 HAPA

 

 


SOMA NA HIZI HAPA

1.    Hatua 10 za kuanzisha biashara ya rejareja (duka)

2.    Ni mwaka wa kujirudishia ukuu wako tena(make yourself great again)

3.    Biashara ndogondogo za kufanya dar es salaam kwa mtaji kidogo bila kulipia pango la nyumba

4.    Biashara ya soda maji juisi na sigara: tumia siri hii kuongeza mauzo × 2

5.    Unajua biashara yenye faida kubwa na ya haraka mara 2 ya mtaji utakaowekeza?


0 Response to "VIFAA VYA BEI RAHISI KAMA VILE STENDI YA SIMU, POWERBANK, DROO YA FEDHA NA ROUTER YA WIFI UNAVYOWEZA KUWEKA DUKANI ILI MHUDUMU AFANYE KAZI KWA URAHISI BILA VISINGIZIO - SOMO LA 19"

Post a Comment