SIKU 3 TAREHE 27/12/2022 KUANDIKA MCHANGANUO WA BIASHARA YA UPENDO CAFE HATUA KWA HATUA

TATHMINI YA SOKO, MIKAKATI & UTEKELEZAJI

Karibu tena ndugu msomaji unayefuatilia masomo haya, leo tutajifunza jinsi wamiliki wa Upendo Cafe walivyoandika Sura inayohusu Soko na Mikakati & Utekelezaji. Tutaanza na Sehemu ya Soko.

Taarifa nyingi tutakazotumia katika kukamilisha kuandika Sura hii ya Soko zitatokana kwa kiasi kikubwa sana na taarifa zile za Utafiti wa soko la biashara tulizoona wakati tunazungumzia jinsi ya kufanya utafiti pale mwanzoni.

Taarifa hizo tulisema kuwa ni kama vile idadi ya wateja watarajiwa, sifa na tabia zao, mahitaji na kipato chao. Taarifa nyingine ni za bidhaa zitakazouzwa au huduma, sekta ya biashara, washindani, bei na mfumo mzima wa usambazaji huduma na bidhaa zako.

Hebu sasa tuanze moja kwa moja kuona Upendo Cafe walielezeaje sura hii, lakini kwanza tutaweka mbele yetu vipengele vidogo vitakavyotuongoza katika kuandika Sura nzima kama ifuatavyo;

4.0 TATHMINI YA SOKO

4.1 Mgawanyo wa soko

4.2 Soko lengwa 

4.2.1 Mahitaji ya soko

4.2.2 Mwelekeo wa soko

4.2.3 Ukuaji wa soko

4.3 Tathmini ya sekta

4.3.1 Washiriki katika sekta

4.3.2 Usambazaji

4.3.3 Ushindani

4.3.4 Washindani wako wakubwa

 

Kama kawaida Sura inaanza na muhtasari mfupi ambao huandikwa mwishoni baada ya kumaliza kuandika sura yote kwahiyo ni kama panaachwa wazi kwanza.

 

Kisha kinaanza kipengele cha kwanza, “Mgawanyo wa soko”

 

4.1 Mgawanyo wa soko

Chini yake panaandikwa makundi mbalimbali ya wateja biashara ya Upendo cafe inayotarajia kuwauzia bidhaa/huduma zake. Makundi hayo upendo waliyabainisha kuwa ni;

·      Abiria wa vyombo vya usafiri wa Umma stendi ya Goba

·      Madereva wa vyombo vya usafiri wa umma stendi ya Goba

·      Wauzaji wa maduka na biashara za jirani

·      Wakaazi jirani na eneo la stendi ya Goba njia nne

Makundi yote manne yaliorodheshwa kisha kila moja kuelezewa sifa na tabia zake (Kidemografia).

 

4.2 Soko lengwa 

Hapa unatakiwa kuchagua kati ya makundi/vipande vya soko ulivyotaja katika mgawanyo wako wa soko ni makundi au kundi lipi utakalolilenga zaidi kimkakati kwani huwezi kuyatimizia makundi yote kwa ufanisi.

Upendo wao wamelenga zaidi makundi mawili lile la abiria na Madereva wa vyombo vya usafiri wa umma. Wametoa pia na sababu za kuyachagua makundi hayo 2 na namna watakavyoyahudumia kama ifuatavyo;

Katika makundi manne ya soko kipaumbele chetu kikubwa kitakuwa ni katika makundi mawili ya, Madereva wa vyombo vya usafiri pamoja na lile la Abiria. Sababu za kuchagua makundi haya mawili ni kutokana na uwezekano wao wa kununua vyakula vyetu mara kwa mara kwani hawana muda wa kusubiri vyakula vya majumbani mwao hasa kifungua kinywa na mlo wa mchana. Juhudi zetu nyingi za masoko zitaelekezwa kwao.

 

4.2.1 Mahitaji ya soko

Ni lazima katika soko ulilolenga uainishe mahitaji yanayowafanya wateja wanunue bidhaa/huduma zako. Haulengi kile unachomuuzia mteja bali yale mahitaji yake unayoyakidhi.

Upendo wao wameainisha mahitaji makubwa ya madereva kuwa ni muda, kwani kutokana na kukosa muda wa kwenda nyumbani kujipatia chakula basi watahitaji mahali pa kupata kifungua kinywa asubuhi na lunch mchana, hivyo upendo watatoa suluhisho hilo kwao na wala siyo chakula au vinywaji;

 

Watu hasahasa madereva wa vyombo vya usafiri kula kwenye migahawa na kwa mama lishe imekuwa ni jambo la kawaida kwao sasa hivi kutokana na kukosekana muda wa kwenda kula majumbani saa za kazi hasa asubuhi na mchana. Tutatoa huduma zetu tukilenga zaidi masaa hayo ili kukidhi mahitaji yao.

 

4.2.2 Mwelekeo wa soko

Hapa utaelezea sababu inayoonekana kubadilisha hali ya soko au biashara. Muelekeo unaweza kuwa, kubadilika mahitaji ya wateja, kupungua ama kuongezeka idadi ya watu, kuingia kwa staili au fasheni mpya nk.

Kwa upande wa Upendo wao kwa mujibu wa utafiti wa soko walioufanya walikuta kwamba wateja wao wengi watarajiwa mwelekeo wao ulikuwa ni kupendelea zaidi kula chapati na supu asubuhi, mchana ugali na nyama choma au rosti kushinda vyakula vingine. Huu ni mwelekeo ina maana hapo kabla hawakuwa na tabia hii.

 

Kulingana na utafiti tulioufanya madereva wengi wa vyombo vya usafiri wa umma hupendelea zaidi supu na chapati kama kifungua kinywa na mchana wanapendelea ugali na nyama choma au rosti na ndizi za kukaanga.

 

4.2.3 Ukuaji wa soko

Katika kipengele hiki unatoa takwimu zinazoonyesha uwezekano wa soko kukua kama vile, idadi ya wakaazi wa kutosha, kutokuwepo kwa biashara kama hiyo eneo lile, idadi ya kutosha ya biashara unazotarajia kuzihudumia. Takwimu utazipata kutoka vyanzo vya takwimu na taarifa vilivyokwishatajwa.

Upendo kipengele hiki hawakukiweka ila wangeweza kukiweka kwa kuonyesha jinsi idadi ya madereva na abiria inavyoongezeka na takwimu hizi wangeliweza kuzipata kutoka ofisi za serikali wilayani au hata takwimu kutoka mamlaka ya Takwimu ya Taifa au taarifa za sensa ya watu na makazi

 

4.3 Tathmini ya sekta ................................................

.............................................

Masomo haya yanatolewa ndani ya group la MICHANGANUO-ONLINE kila siku na hii ni sehemu ndogo tu ya somo la leo. Ili kupata masomo kamili pamoja na masomo yote mengine ya siku za nyuma jiunge na group hilo kwa kulipia ada kidogo ya mwaka shilingi 10,000/=. Unaweza kutumia moja kati ya namba zetu hizi, 0712202244 au 0765553030 jina Peter Augustino Tarimo.

Wahi leo kabla zawadi yetu ya mwisho mwaka huu ya vitu 22+ haijamalizika rasmi.

Kusoma dondoo za somo la fedha bonyeza maneno haya>> NJIA 9 ZA KUVUTA PESA, BAHATI & MAFANIKIO 2023

Tweet