KITABU CHA SAYANSI YA KUWA TAJIRI (THE SCIENCE OF GETTING RICH) CHA WALLACE D. WATTLE

Vigezo vinavyotumika katika kuorodhesha vitabu vya mafanikio katika blogu hii ya jifunzeujasiriamali siyo kigezo kimoja, kuna vigezo zaidi ya kimoja kama vile, umaarufu wa kitabu, ukongwe au muda kitabu kilipotungwa, idadi ya nakala za kitabu zilizochapishwa ama kuuzwa, umaarufu wa mwandishi na maudhui ya kitabu kwa ujumla. Unaweza kudhani labda kitabu fulani hakikustahili kuwa kwenye namba kilipo kulingana na kigezo kimoja lakini kumbe kigezo kilichofanya kitabu kiwe pale ni kingine.

Kitabu cha leo, The Science of Getting Rich, Sayansi ya kupata Utajiri.

Hiki ni kitabu cha rika la vitabu kama kina Think &Grow Rich(Fikiri Utajirike) naThe Master Key System, tena ni kikongwe hata kuvishinda hivyo vingine viwili kwani kilitungwa mwaka 1910 wakati Master Key System 1912 na Think and Grow Rich mwaka 1937.

Mwandishi wa kitabu akiwa ni Wallace D. Wattle chini ya kampuni ya Elizabeth Towneni miaka zaidi ya 100 sasa imepita lakini bado kitabu kinaendelea kutolewa nakala ijapokuwa na kampuni nyingine tofauti kama vile kampuni ya Rhonda Byrne’s mwaka 2006

Kitabu cha Sayansi ya kupata utajiri kwa kifupi kinazungumzia jinsi ya kuondokana na vikwazo vya kifikra na namna ambayo ubunifu unavyoweza kuwa chanzo cha mafanikio ya kiuchumi maishani tofauti na ushindani. Wattle anaamini kwamba ipo namna fulani ya kufikiri(sayansi) ambayo inaweza kunfanya mtu kuwa tajiri na njia au sayansi hiyo mtu yeyote anaweza kujifunza.

Anasema utajiri wa pesa na mali huja baada ya mtu kutenda mambo kwa njia hiyo na wale wanaofanya mambo kwa njia hiyo iwe ni kwa kukusudia au hata wanafanya tu kwa bahati mbaya bila ya kujua wanachotumia ni njia(sayansi) hiyo, basi hujikuta wametajirika. Na kwa wale ambao hufanya mambo kinyume na njia hiyo, pasipokujali ni juhudi kubwa kiasi gani wataonyesha wataendelea kubakia kuwa masikini vilevile walivyokuwa.

Ni sheria ya asili ambayo mtu yeyote yule atakayeamua kujifunza na kuitumia, bila shaka yeyote ile hubadilika na kuwa tajiri. Kwa upande mwingine maudhui ya kitabu hiki yanaegemea katika maudhui ya dini ya Kihindu lakini hata hivyo mwandishi amejitahidi kukifanya kionekani ni cha kisekula zaidi.

................................................................................................

JIPATIE VITABU VYAKO VIZURI VYA BIASHARA NA UJASIRIAMALI HAPA 

TUNAKARIBISHA PIA WASHIRIKI KATIKA SEMINA YA KUANDIKA MPANGO WA BIASHARA                                                         

                                                                                                                                          

Tweet