Njia aliyotumia kiongozi mwenye nguvu zaidi kuwahi kuishi duniani kuunganisha watu wake

Kuna mashaka kidogo ikiwa yapo  kwamba Henry Ford alikuwa ni mmoja kati ya watu waliokuwa wajuzi zaidi katika dunia ya biashara na viwanda. Suala la utajiri wake halihitaji mjadala. Chunguza marafiki wa karibu wa Bwana Ford ambao baadhi yao tayari wamekwishatajwa na utakuwa tayari  kuelewa kanuni ifuatayo: Watu huchukua asili na tabia na NGUVU YA MAWAZO ya wale ambao wanashirikiana nao katika roho ya upole na masikilizano.

Henry Ford aliushinda umasikini, kutokuwa na elimu na ujinga kwa kushirikiana mwenyewe na watu wenye akili nyingi ambao mitetemo yao ya fikra aliivyonza katika akili yake mwenyewe. Kupitia ushirikiano wake na Edison, Burbank, Burroughs na Firestone, Bwana Ford aliongeza kwenye nguvu ya ubongo wake mwenyewe jumla ya akili, uzoefu, maarifa na nguvu za kiroho za watu hawa wanne. Zaidi alijipatia  na kutumia kanuni ya ushirikiano kupitia njia zilizoelezwa katika kitabu hiki.

Kanuni hii ni kwa ajili yako!

Raisi Franklin Roosevelt  alileta Washington watu wenye akili zaidi nchini kuunda kundi la kushauriana aliloliita “Akili za kutegemewa”(Brain Trust) Wakati na baada ya Vita kuu ya pili ya Dunia, makundi ya kushauriana yaliyojulikana kama “Think tank” mara kwa mara yaliitwa na na viongozi wa serikali na viwanda kusaidia kukabiliana na matatizo magumu.

Tayari tumemtaja Mahatma Gandhi. Pengine wengi wa wale ambao wamewahi kumsikia Gandhi humtizama tu kama mtu mdogo mwenye tabia isiyokuwa ya kawaida aliyezunguka bila mavazi rasmi na kusababisha usumbufu kwa serikali ya Uingereza.

Ukweli Gandhi hakuwa mtu mwenye tabia za ajabu bali alikuwa mtu mwenye nguvu zaidi katika zama zake(inakisiwa hivyo kutokana na idadi ya wafuasi wake na imani yao kwa kiongozi wao). Zaidi alikuwa bila shaka mtu mwenye nguvu zaidi aliyewahi kuishi. Nguvu zake zilikuwa ni za kimyakimya lakini zilikuwa ni za ukweli.

Hebu tujifunze njia aliyotumia kupata nguvu zake kubwa. Inawezekana ikaelezwa kwa maneno machache. Aliingia madarakani kupitia kuwashawishi watu zaidi ya milioni 200 kuungana kwa akili na mwili katika roho ya masikilizano kwa ajili ya lengo kamili.

Kwa kifupi Gandhi alikamilisha maajabu, ni maajabu kwa sababu watu milioni 200 wanaweza wakashawishiwa – siyo kulazimishwa kuungana katika roho ya masikilizano, katika muda usiokuwa na mipaka. Ikiwa kama una shaka kama haya ni maajabu, jaribu kushawishi watu wowote wale wawili kushirikiana katika roho ya masikilizano katika kipindi cha muda wowote ule. Kila mtu anayeendesha biashara anafahamu ni jambo gumu kiasi gani kuwafanya wafanyakazi wafanye kazi pamoja hata katika roho inayofanana na masikilizano kwa mbali.

Orodha ya vyanzo vikuu ambavyo kutokana navyo nguvu inaweza kupatikana ni kama ulivyoona, huongozwa na nguvu kuu. Watu wawili au zaidi wanaposhirikiana katika roho ya masikilizano na kufanya kazi kuelekea  lengo kamili, wanajiweka wenyewe katika nafasi, kupitia huo ushirikiano, kufyonza nguvu moja kwa moja kutoka ghala kubwa la nguvu kuu kuliko zote. Hiki ni chanzo kikubwa kuliko vyote cha nguvu. Ni chanzo ambacho ndio wale walio na akili nyingi hugeukia. Ni chanzo ambacho kila kiongozi mkubwa hugeukia(iwe anatambua ukweli huo au hatambui)

Vyanzo vingine viwili vikubwa  ambavyo maarifa yanayohitajika kwa ajili ya ukusanyaji wa nguvu yanaweza kupatikana haviwezi vikategemewa zaidi kuliko milango yetu mitano ya fahamu. Milango ya fahamu siyo mara zote inaweza ikategemewa. Nguvu kuu kuliko zote huwa haikosei.

Katika sura zinazofuata njia ambayo nguvu kuu inaweza kufikiwa kwa haraka zaidi zitaelezwa vyakutosha. Hii siyo kozi ya dini. Hamna kanuni za msingi zilizoelezwa katika kitabu hiki zinatakiwa kutafsiriwa kama zilizolengwa kuingilia aidha moja kwa moja au isivyo moja kwa moja tabia ya dini ya mtu yeyote. Kitabu hiki kimejikita peke yake katika kumuelekeza msomaji jinsi ya kubadilisha lengo kamili la shauku ya pesa kuwa katika kipimo chake cha pesa.

Itaendelea tena wiki ijayo.

Tweet